PATRIMONEA: Senderismo e visita ao mirador de Pena sobre o Ulla

Tras o éxito do seu primeiro roteiro que levaba por título Entre pazos, fervenzas e corredoiras a empresa Patrimonea estreará nova proposta cunha ruta cargada de Historia moi próxima a Santiago de Compostela: Senderismo e visita ao mirador de Pena sobre o Ulla. E está prevista para o día 30 deste mes.

O lugar de encontro será a Casa Louzao (Fonte Díaz, Touro) ás 9:15/9:30 horas. A dificultade será media-alta, consistirá nuns 11 quilómetros e será circular.

Prezos

Os prezos serán: 18 euros I.V.E incluído (unha persoa), 15 euros (dúas persoas ou máis), oito, menores de 16 e gratis o segundo nen@. O prezo inclúe:

• Guía coa titulación esixida pola lexislación vixente.
• Seguro de Responsabilidade Civil (Seguros Berkley, entidade mediadora Celtisegur).
• Seguro de accidentes nominal a cada participante (Seguros Berkley, entidade mediadora Celtisegur).
• Unha experiencia inolvidable na natureza descubrindo o noso patrimonio

"Vén a coñecer un itinerario único deseñado por Patrimonea que che permitirá descubrir a carballeira histórica de Brandelos co seu manantial de augas mineromedicinais, a fervenza do Batán, o campamento romano do Castrillón, o hórreo BIC de Outeiro, o mirador do Coto de San Sebastián (+ 385 m), un serradoiro hidráulico e a fervenza do Barranco", indica Patrimonea.

O inicio do roteiro terá lugar nun enclave con importancia histórica e paisaxística: a carballeira de Brandelos e as súas fontes con poder curativo. "Durante o percorrido transitaremos camiños polos que transcorría a vía romana XIX Braga-Astorga nun entorno caracterizado polo bosque autóctono e a continua presenza da auga. Abandonaremos o curso do río para subir pola ladeira do Coto de San Sebastián até a súa cima onde disfrutaremos dunha das melloras panorámicas do concello. Dende ese punto observaremos un dos primeiros campamentos romanos atopados no noroeste peninsular: O Castrillón. Unha mirada profunda á paisaxe que che permitirá coñecer a súa evolución ao longo do tempo. E se o teu son as fervenzas… poderás desfrutar da fervenza do Batán e a do Barranco", subliña. Ademais, farase unha parada no camiño para comer. Cada participante deberá levar a súa comida. "Ao rematar a andaina (opcional), desprazarémonos até a aldea de Pena en Fao para obter unha panorámica incríble dun meandro do río Ulla rodeado de bosque autóctono".

Inscricións

Os interesados en participar deberán enviar un correo electrónico a patrimoneaulla@gmail.com indicando o número de prazas que desexan reservar cos datos de cada persoa (nome e apelidos, DNI e idade en caso de ser menor) xunto co xustificante da transferencia bancaria ( á conta: ES91 2080 0321 7830 0006 3625 .No concepto da transferencia debe figurar o nome completo. Outro método de pago será a través de Bizum (607 762 260). Confirmarás a reserva cun correo electrónico indicando a realización do pago por Bizum e achegando os datos persoais dos inscritos. No asunto do pago debe figurar o nome completo.

No caso de cancelación da actividade por parte da organización devolverase a totalidade do importe aboado (ou se o prefire poderá canxearse por outra ruta). Aquelas persoas inscritas que non poidan asistir por causas de saúde debidamente xustificadas tamén poderán solicitar o reintegro do importe aboado.

Os interesados poden obter máis información por WhatsApp/Telegram no número 699 680 217 ou no seguinte enlace: https://patrimonea.wordpress.com/2021/10/12/estrenamos-roteiro-os-caminos-da-historia/?fbclid=IwAR1en3nyVPkitCeY4mdsguJs3-pigJIR36EHT-cD5ts1DYXZ8V_7_gzQb2k