O Slalom de Monterroso - Concello de Monterroso

Nunha reunión entre a alcaldesa, o tenente de alcalde, o concelleiro de Deportes de Monterroso, a representante da escudería MixRallye e dous pilotos monterrosinos decidiuse este mércores que  este ano a mellor data para a celebración do Slalom de Monterroso será o 31 de xullo.

Esta é a oitava edición desta proba automobilística, que é un referente a nivel galego pero tamén a nivel nacional. "Trátase dunha proba cunha proxección moi importante tanto a nivel deportivo como a nivel económico para o noso concello", indican desde o Concello.