sáb, 24 feb
|Melide
O Mercamelide de Inverno 2024 terá lugar os días 24 e 25 de febreiro
![O Mercamelide de Inverno 2024 terá lugar os días 24 e 25 de febreiro](https://static.wixstatic.com/media/0216be_0ae8d7af31fc4312960908198b13c3cb~mv2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/0216be_0ae8d7af31fc4312960908198b13c3cb~mv2.jpg)
![O Mercamelide de Inverno 2024 terá lugar os días 24 e 25 de febreiro](https://static.wixstatic.com/media/0216be_0ae8d7af31fc4312960908198b13c3cb~mv2.jpg/v1/fill/w_147,h_208,al_c,q_80,usm_0.66_1.00_0.01,blur_2,enc_auto/0216be_0ae8d7af31fc4312960908198b13c3cb~mv2.jpg)
Horario e localización
24 feb 2024, 11:00 – 25 feb 2024, 21:00
Melide, Rúa Xosé Ramón Fernández Castro, 2, 8, 15800 Melide, A Coruña, España
Sobre o evento
O Mercamelide de Inverno 2024, a feira do comercio local melidao que reúne os produtos dun bo número de establecementos do municipio con descontos no prezo, terá lugar os días 24 e 25 de febreiro. O período de inscricións para os comercios participantes permanecerá aberto ata o martes 20 de febreiro. No caso dos comercios asociados á ASETEM (Asociación de Empresarios da Terra de Melide) poden levar a cabo a inscrición na Asociación. O resto de comercios pode inscribirse no Departamento de Comercio do Concello de Melide, ou a través do enderezo electrónico: comercio@concellodemelide.gal.
O mercado de inverno ofrecerá a prezos moi competitivos de todo tipo de produtos do fogar, moble, menaxe, decoración, mercería, moda, calzado e lencería. Do mesmo xeito, ofrecerá produtos de beleza, perfumería, tecnoloxía, seguros, deportes ou complementos. Todos produtos de primeira calidade, proximidade e a un prezo moi económico.
Nesta edición ofertarase un servizo gratuíto de animación infantil a partir dos 4 anos de idade. Con este servizo, que se estenderá de 11 a 14 horas e de 16 a 20 horas en horario de tarde, as familias poderán efectuar as súas compras con maior comodidade.