LETRAS GALEGAS EN MONTERROSO

O Concello de Monterroso celebra as Letras Galegas cun completo programa de actos. Levaranse a cabo o sábado 17 coincidindo co propio día das Letras Galegas. Ás 11:00 horas no Centro Sociocultural levarase a cabo a presentación do libro 'As feiras de Monterroso e outras lembranzas' de Pablo Pérez Álvarez. De seguido, terá lugar a I edición do Letras Galegas Miúdas, un recital de poemas a cargo dos nenos e nenas do Colexio de Monterroso.

Ás 12:30 horas no Espazo Cultural Lorenzo Varela farase unha ofrenda floral e haberá unha actuación do grupo de cantareiras da Asociación Sociocultural Falcatrueiros. A clausura dos actos correrá a cargo do alcalde, Eloy Pérez. Os actos están abertos a quen queira participar.