Horario e localización
26 jul 2024, 21:00 – 27 jul 2024, 3:00
Fonte Díaz, Fonte Díaz, 15822 Touro, La Coruña, España
Sobre o evento
Este venres 26 de xullo celebrase en Touro a II edición do festival Ulla Fest, unha cita dirixida aos amantes da música urbana e con entrada gratuíta. Comezará ás nove da noite e celebrarase no centro da capital municipal en Fonte Díaz.
A xornada arrancará cunha batalla de gallos na que participará como principal reclamo LE33, unha figura destacada no panorama nacional ao participar en certames do Freestyle Máster Series (FMS) e gañar probas internacionais como a batalla de Mestres celebrada en Chile.
A continuación será o turno de DJ Mil, un clásico do panorama do hip-hop a nivel galego. O seguinte artista será Erin, o rapeiro compostelán conta cunha recoñecida traxectoria e presentará o seu novo traballo. C Mirazo será outros dos artistas que fará as delicias dos espectadores. O "rei do trap" en galego é unha das revelacións musicais nos últimos anos e participou recentemente en festivais como o rompetiño. Kike Varela será o encargado de pechar o festival. Este ano participou no Son do Camiño e un dos seus temas acaba de ser pinchado polo mesmo Timmy Trumpet no Gozo Fest.
De xeito paralelo a este festival, a concellería de Cultura tamén promove o Touro Street Fest que se celebrará dende as 12 horas ata as 22 horas no campo da Festa de Fonte Díaz. Está dirixido a nenos e mocidade a partir de 5 anos. Haberá obradoiros de skate, grafitti, breakdance, parkour e football Street entre outras actividades.