FESTIVAL INTERNACIONAL ZONA DA ZANFONA EN ARZÚA

Arzúa será, por segundo ano, sede do Festival Internacional Zona da Zanfona, que chega á súa vixésimo primeira edición, do 21 o 23 de novembro, co apoio da Deputación. A Casa de Correos local acolleu o 29 de outubro a presentación do programa, nunha rolda de prensa na que participaron a deputada de Plans Provinciais e Asistencia a Concellos, Cristina García; o alcalde e a concelleira de Patrimonio de Arzúa, Xoán Xesús Carril e Lucía López, e Mauro Sanín, d'aCentral Folque, a asociación organizadora.

Na súa intervención, García Rey falou do festival como dun "proxecto que, tras vinte e unha edicións, segue a ser un referente internacional arredor dun instrumento tan noso como a zanfona, símbolo da nosa tradición pero tamén da creatividade contemporánea galega".

"Desde a Deputación", explicou a Deputada, "apoiamos iniciativas coma esta porque contribúen a fortalecer o tecido cultural galego, a dar visibilidade ás nosas creadoras e…