FESTAS EN ANTAS DE ULLA

Antas de Ulla celebra as súas Festas da Virxe dos Remedios os días 8 e 9 de setembro. Ambos días haberá pasarrúas ás 11:30 horas e misa solemne ás 13 horas. Ademais, durante as dúas xornadas de 17:30 a 18:30 horas será a hora infantil con colchonetas de balde. 

O primeiro día a Banda de Música de Antas de Ulla ofrecerá un concerto ás  14 horas e outro ás 20 horas ademais de poñerlle ritmo ao pasarrúas da mañá. Ás 23 horas actuará Zoelas e ás 23:45 horas haberá fogos artificiais. Sobre as 00:30 horas será o concerto de Luar na Lubre. 

Mentres o segundo día, o 9, ás 14 horas actuará a Asociación Cultural Fiadeira que tamén amenizará o pasarrúas da mañá. Despois, ás 19 horas terá lugar o pasarrúas e ás 20 horas o concerto na Praza Nova a cargo da agrupación musical Dambara-Santo Inocencio-Burela. Pola noite, ás 22:15 horas comezará o concerto Colección Romántica de David Taboada e Sergio Alba. Por último, ás 00 horas o broche final destas festas poñerao a orquestra Trébol. 

En caso de mal tempo, trasládase todo á Praza Nova.