Doazón de sangue en Vila de Cruces

As persoas que desexen doar sangue poderán facelo esta semana, dentro das catro comarcas, na localidade de Vila de Cruces.

Unha unidade móbil do Centro de Transfusión de Sangue de Galicia volve visitar o martes 30 o municipio de Vila de Cruces, e situarase fronte ao Consistorio en horario de 10:30 a 14:00 e de 17:30 a 21:00 horas.

Debido á situación de pandemia, na que necesariamente se debe gardar certas prevencións sociais encamiñadas a preservar a saúde de todos, establécese tamén a cita previa para escalonar a afluencia de doadores, evitando así esperas. Por iso para maior seguridade e comodidade é mellor pedir cita no 900 100 898.

E cabe lembrar que é moi importante esta acción solidaria porque contribúe a mellorar a saúde de moitos doentes, sobre todo ante a situación actual de emerxencia sanitaria.