Doazón de sangue en Melide

Unha unidade móbil do Centro de Transfusión de Sangue de Galicia visitará este venres, día 23, o municipio de Melide. Situarase no Cantón de San Roque, en horario de 10:00 a 14:00 horas e de 16:30 a 21:00 horas.

Debido á situación de pandemia, na que necesariamente se debe gardar certas prevencións sociais encamiñadas a preservar a saúde de todos, establécese tamén a cita previa para escalonar a afluencia de doadores, evitando así esperas. A cita pode perdirse a través do teléfono gratuíto 900 100 898.

E cabe lembrar que é moi importante esta acción solidaria porque contribúe a mellorar a saúde de moitos doentes, sobre todo ante a situación actual de emerxencia sanitaria.