CURSO PARA A INSERCIÓN LABORAL DE MULLERES EN TOURO

O concello de Touro acollerá os itinerarios de empoderamento de mulleres para a inserción social e laboral impartido pola Fundación Mujeres. É totalmente gratuíto e en concreto, leva por título Alicia. Activando a Igualdade. Consistirán en 11 días de formación presencial relacionadas coa procura de emprego, coa seguinte temática:

• Habilidades sociais

• Condicións laborais

• Competencias profesionais

• Obxectivo profesional e autoemprego

• Habilidades sociolaborais no mercado de traballo e a súa procura

• Uso de computador para procura e estratexias de emprego

• Titorías personalizadas de orientación laboral

Levarase a cabo os mércores e venres dende o 9 de outubro ata o 20 de novembro en horario de 10:00 a 13:00 horas e impartirase na Axencia de Lectura Municipal de Touro “Xosé Neira Vilas”. Isabel II, 26, Fonte Díaz, Touro.

É necesario inscribirse e facer unha entrevista inicial coa persoa formadora. O prazo está aberto dende hoxe venres, 20 de setembro, ata o 4 de outubro. As interesadas deben anotarme no Concello de Touro, a través do teléfono 981 504 029 ext. 2010

ou por correo electrónico: xiomara.lazo@concellodetouro.gal A través destas vías tamén poden obter máis información e resolver calquera dúbida.

Requisitos:

• Mulleres españolas desempregadas ou que estean en mellora de emprego

• Mulleres migrantes con permiso de traballo

O programa inclúe ademais intermediación laboral, prácticas en empresas, se así o demandan as participantes, e cóntase con bolsa de emprego para facilitar a inserción.

Por outra banda, tamén existe a posibilidade de formación ocupacional online e para a que pode haber préstamo de tablets, pero darase máis información unha vez empezado o curso.