O último Consello de Ministros aprobou a pasada semana un Real Decreto no que será a firma quen teña que obtelo de maneira telemática a través da Administración
Laura Moure/Xeral
Se eres asalariado e colles unha baixa por enfermidade xa non terás a obrigación de levar o parte médico ao teu xefe, algo que nalgunhas ocasións non sempre é agradable. A razón é que o último Consello de Ministros aprobou a pasada semana un Real Decreto que introduciu modificacións na xestión e control dos procesos por incapacidade temporal (IT) nos primeiros 365 días da súa duración.
Falamos de que o Goberno eliminou a obrigación dos traballadores por conta propia de ser eles quen deba trasladar ás súas empresas os partes de baixa médica, pois será a compañía quen teña que obter a información da Administración. Así, segundo o texto dos responsables da Seguridade Social “só entregarase unha copia (do parte da baixa) á persoa traballadora; e elimínase tanto a segunda copia, como a obrigación de que sexa a propia persoa traballadora quen que entregue esta copia na empresa, entidade xestora ou mutua”.
Desta maneira, desaparecerá esa segunda copia dos partes de baixa e alta médicas que o empregado estaba obrigado a facer chegar ao seu xefe. A norma estipulará que “a comunicación entre as entidades emisoras e o INSS será telemática, evitando trámites que poden resultar gravosos para persoas que están en situación de incapacidade temporal e aproveitando as posibilidades de mellorar a eficacia e a eficiencia que brindan os avances en dixitalización e tecnoloxías da información”.
コメント