Vila de Cruces celebrará o vindeiro luns, 22 de decembro, a XXVI Feira de Nadal do Galo de Curral

Contará cnha degustación gratuíta elaborada por oito restaurantes da zona

Laura Moure/Vila de Cruces

O Concello de Vila de Cruces celebrará o vindeiro luns, 22 de decembro, a XXVI Feira de Nadal do Galo de Curral. Terá lugar na Praza Juan Carlos I (Praza do Concello), a partir das 11:00 horas.

Habilitarase unha carpa para acoller a degustación gratuíta do galo, con elaboracións

realizadas polos cociñeiros de oito establecementos locais de restauración –A de Rafael, O Galicia, Onde Antonio Mouriscade, Casa San Martín, Casa Don Din, O Refuxio, Álex Iglesias e O Pazo–, e a venda do animal xa morto para levar para á casa.

 Publicidade

Preme na imaxe para obter máis información.

O alcalde Luís Taboada e outras autoridades inaugurarán a degustación ás 12:00 horas. A xornada contará coa actuación en directo dos Gaiteiros Vai Nela de Salgueiros, que poñerán o ritmo e a festa durante toda a xornada.

Publicidade

Preme para contactar con nós e pregunta polas tarifas que son unha bicoca!

O alcalde de Cruces, Luís Taboada, asegura que esta xuntanza do Galo de Curral de Nadal é un momento ideal para compartir cos seres queridos, coas amizades e a veciñanza, “unha das nosas feiras máis queridas nas que se xuntan gastronomía, tradición, música e boa ambiente na nosa Praza do Concello”.