top of page

Verán Lúdico en Touro orientado á diversidade socio-educativa e á igualdade

Esta actividade está organizada polo Concello e posibilita a conciliación


Laura Moure/Touro

A rapazada de Touro, nenos e nenas entre tres e dezaseis anos, participa no Verán Lúdico 2023. É unha actividade organizada para os meses de vacacións escolares coa finalidade de facilitar a conciliación de traballo e vida familiar, tal e como informa o Concello.

O proceso de admisión de nenas e nenos estivo aberto a todas as interesadas e interesados para facilitar á veciñanza a conciliación entre familia e traballo durante as vacacións escolares.


Pola súa banda, o Verán Lúdico 2023 tamén ampliou os horarios, incluíndo un servizo de madrugadores e estendendo o peche da actividade ata as 15:00 horas. O Concello de Touro xestionou a incorporación doutra persoa que terá o cometido de atender ás nenas e nenos que participen e teñan necesidades socio-educativas especiais.


Publicidade

O novo goberno municipal asumirá como prioritaria a liña de traballo que facilite e potencie a conciliación e así “facer de Touro un Concello onde vivir”. Pretende desenvolver diferentes actuacións neste eido ao logo do ano co obxectivo de mellorar o benestar e a calidade de vida da veciñanza.

Entre as actividades programadas no Verán Lúdico 2023 figuran obradoiros de igualdade, animación á lectura, actividades acuáticas na Piscina Municipal de Touro e multideporte, xogos predeportivos e cooperativos e obradoiros de reciclaxe e medio ambiente.

0 comentarios

Bình luận


IRS.gif
Copia de ¡TU Anuncio!.gif
Ecos_da_Comarca_neg.png
bottom of page