Unidade por Rodeiro asegura que o Concello "vai estar ata o día 31 de xaneiro sen funcionarios"

"Cos prexuízos que iso conleva para a cidadanía", recalca

Ecos da Comarca/Rodeiro

Unidade por Rodeiro asegura que o Concello de Rodeiro "vai estar ata o día 31 de xaneiro sen funcionarios, cos prexuízos que iso conleva para a cidadanía. A falta de xestión municipal en Rodeiro chega a niveis insospeitados", recalca.

Indica que "deixa de funcionar o rexistro, non se certifica, non se compulsa e a maiores, levamos máis de 10 días sen certificar por falta do secretario accidental. É tal a falta de xestión e previsión do equipo de goberno que ten tres funcionarios e todos están de vacacións ao mesmo tempo". E engade que "todos os permisos están condicionados a necesidade do servizo. O goberno municipal tiña que denegalas a un dos traballadores para ofrecer un servizo municipal obrigatorio", reprocha.

Preme na imaxe se queres contactar connosco!

Ante isto, este grupo da oposición insta ao goberno a "correxir esta anomalía para hoxe mesmo xa que poden ser moitas as persoas que poidan sufrir graves consecuencias en diferentes trámites administrativos".