Unhas 77 parroquias das comarcas de Arzúa, Deza, Terra de Melide e A Ulloa honran hoxe a Santa María

Durante esta xornada festiva celébranse comidas familiares e distintas formacións musicais amenizan a cita

Laura Moure/Xeral

Hoxe, como cada 15 de agosto, celébrase a festividade de Santa María. En moitos lugares de Galicia, ela é a patrona de distintas parroquias. E en concreto, nas comarcas de Arzúa, Deza, Terra de Melide e A Ulloa dase o caso en 77 delas. Cabe mencionar que falamos só de parroquias, sacando que haberá outras aldeas e lugares nas que tamén se honre a esta Santa. Así durante esta xornada festiva celébranse comidas familiares e distintas formacións musicais amenizan a cita. Practicamente hai festa en todos os recunchos!!

Santa María de Berredo, Agolada. Autor: Ecos da Comarca.

Se damos unha volta por cada unha das comarcas, estas son as parroquias que teñen a Santa María de patroa. (A ver se non nos esquecemos de ningunha!).

COMARCA DE ARZÚA:

• ARZÚA: A Castañeda, Dodro, Maroxo, Rendal, Santa María de Arzúa, Tronceda e Viladavil.

• BOIMORTO: Os Ánxeles, Buazo e Sendelle.

• O PINO: Budiño, Castrofeito e Gonzar.

• TOURO: Bendaña, Circes, Loxo e Turces.

Publicidade

Preme na imaxe para obter máis información.

COMARCA DE DEZA:

• AGOLADA: Basadre, Berredo, Val de Sangorza e Vilariño.

• DOZÓN: Bidueiros, Dozón e Sanguiñedo.

• LALÍN: Albarellos, Alemparte, Bermés, Donramiro, Filgueira, Noceda, Parada e Soutolongo.

• RODEIRO: Álceme, Guillar, Río e Vilela.

• SILLEDA: Abades, Carboeiro, Cortegada, Graba e Xestoso.

• VILA DE CRUCES: Arnego, Asorei, Merza, Oirós, Ollares, Piloño e Sabrexo.

COMARCA TERRA DE MELIDE

• MELIDE: Os Ánxeles, Campos, Grobas, O Leboreiro e Santa María de Melide.

• SANTISO: Barazón, Novela, Santiso e Vimianzo.

• SOBRADO DOS MONXES: A Ciadella.

• TOQUES: A Capela e Ordes.

Publicidade

Preme na imaxe se queres contactar connosco.

COMARCA DA ULLOA

• ANTAS DE ULLA: Alvidrón, Arcos, Casa de Naia e Olveda.

• MONTERROSO: Arada, O Bispo, Leborei, Marzán, Pedraza, Salgueiros e Tarrío.

• PALAS DE REI: Carteire, Cuiña, Marzá, Pidre, A Puxeda e San Breixo.

Perdoade se se nos escapou algunha! E ti onde estás desfrutando desta festividade?! Comentade que vos lemos!