Unha vaca de Arzúa bateu récord no prezo onte na Central Agropecuaria de Silleda

Ecos da Comarca/Silleda

A Central Agropecuaria de Galicia Abanca de Silleda rexistrou onte o maior prezo pagado por unha vaca neste mercado. Se ben o récord da categoría de Vacún Maior, e da Central, se sitúa nos 10.498€ acadados o 8 de outubro de 2024 por un boi de raza mestiza, en canto ás femias desta categoría o maior prezo estaba ata onte nos 7.798€ (pagados en outubro do ano pasado).

A vaca que marcou onte o récord.

 PUBLICIDADE

Se queres obter máis información do evento preme na imaxe.

Sen embargo, dende este martes o maior prezo pagado por unha vaca pasa a ser de 8.227€, pagados por unha vaca mestiza nacida en setembro do 2020 e pertencente a unha explotación de Arzúa (A Coruña), a cal foi adquirida polo operador Alberto Rielo, Lalín (Pontevedra) para Cárnicas Nay, de Monforte de Lemos (Lugo).

 PUBLICIDADE

Preme para obter máis información.

Por outra banda, por terceira semana consecutiva a Central rexistrou o maior prezo medio deste mercado na categoría de Vacún Maior, con 2.628,31€ (a semana pasada esta marca situárase nos 2.567,79€ e a anterior en 2.537,53€).

COTIZACIÓNS MARTES 14 ABRIL 2026:

14_04_2026.pdf

Descargar PDF • 360KB