Unha saída de vía no concello de Agolada sáldase con catro vehículos implicados

IsmaelRS/Agolada

Accidente de hoxe en Trascastro - Trabancas (Agolada)

Temos que contabilizar un segundo accidente na mañá deste xoves, neste caso na N-640 ao seu paso polo lugar de Trascastro na parroquia agoladense de Trabancas, produciuse sobre as 11.20 horas, no mesmos víronse implicados catro vehículos, xa que o vehículo que saíu da vía chocou contra outros tres que estaban estacionados á beira da mesma. A voz de alarma deuna unha das persoas implicadas no sinistro e nun primeiro momento solicitaba asistencia sanitaria para o condutor do vehículo que provocara o accidente, pero non foi necesaria a súa intervención e só foi necesario contabilizar danos materiais, segundo comenta o 112 Galicia a este medio.

Preme na imaxe se quere contactar connosco!

Con estes datos, o 112 Galicia informou dos feitos aos Servizos Sanitarios, á Garda Civil de Tráfico, ao Equipo Municipal de Protección Civil e ao Servizo de Mantemento de Estradas.

Ata o lugar do accidente tamén se desprazou D. Luis Calvo, alcalde de Agolada.