Unha persoa perdeu a vida tras saírse da estrada en Chantada

Ecos da Comarca/Xeral

Unha persoa perdeu a vida tras saírse da estrada en Chantada. Foi excarcerada polos bombeiros, tal e como informa o 112 Galicia. Trátase dun home duns 80 anos, veciño deste municipio.

O accidente tivo lugar 15 minutos antes das 10:00 horas, momento no que un particular empregou o número único de emerxencias para avisar do sucedido. Segundo lle indicou ao 112 Galicia, un vehículo sufrira unha saída de vía no quilómetro 37 da CG-2.1, en Muradelle. O alertador non sabía especificar se a persoa estaba atrapada.

Publicidade

Preme na imaxe para obter máis información do evento.

Con estes datos, os xestores do 112 Galicia solicitaron a intervención do Servizo de Urxencias Sanitarias de Galicia-061, dos Bombeiros de Chantada e da Garda Civil de Tráfico.

Publicidade    

Preme na imaxe se queres contactar connosco.

A dotación de bombeiros empregou o material de excarceración para liberar á vítima, única ocupante do coche. Pese aos esforzos, o persoal sanitario que se mobilizou ata a zona indicou que o implicado falecera, sen que nada se puidese facer por salvarlle a vida.