top of page

Unha persoa perdeu a vida nun accidente no corredor Monforte-Lalín en Pantón

Ecos da Comarca/Xeral

Unha persoa perdeu a vida e outras dúas foron evacuadas en estado grave tras unha colisión frontal en Pantón. O sinistro produciuse na CG 2.1, ao paso pola parroquia de Santalla de Toiriz. Unha chamada ao 112 Galicia preto das nove da noite de onte permitiu activar os recursos necesarios para atender aos implicados nunha colisión entre dous turismos no corredor Monforte-Lalín.

Os datos que facilitaron os alertadores aos xestores do 112 sinalaban a gravidade do sinistros, pois anticipaban que os condutores de cada un dos coches estaban inconscientes e atrapados no interior.


Publicidade

Así, informouse aos Bombeiros de Monforte e aos profesionais de Urxencias Sanitarias de Galicia-061.


Pola súa parte, o equipo médico organizou a evacuación dos dous feridos graves, xa que do condutor do outro coche só puideron confirmar o seu falecemento.


Publicidade

En canto á actuación dos bombeiros, ocupáronse de liberar aos dous condutores atrapados, e da limpeza e restablecemento das condicións de seguridade do vial participaron os equipos da Axencia Galega de Infraestruturas.


Por suposto, os axentes da Garda Civil de Tráfico estiveron presentes para a recollida de toda a información relevante sobre o sinistro.

0 comentarios

Commentaires


IRS.gif
Copia de ¡TU Anuncio!.gif
Ecos_da_Comarca_neg.png
bottom of page