Unha persoa perdeu a vida tras colidir un coche e un camión en Mesía

Ecos da Comarca/Xeral

Unha persoa perdeu a vida logo de colidir o seu coche e un camión en Mesía. Os servizos sanitarios só puideron confirmar o seu falecemento. A vítima é unha muller duns 45 anos.

Os vehículos impicados. Autor: Cedida.

Foi o propio condutor do camión quen, minutos despois das 5:30 horas, alertou ao 112 Galicia do acontecido: acababa de chocar contra un turismo no quilómetro 684 da N-634, na parroquia de Lanzá. Durante a súa chamada indicaba que había unha persoa no turismo que non respondía aos seus intentos de contactar con ela.

Publicidade

Preme na imaxe para obter máis información.

De inmediato, desde o 112 Galicia solicitouse a intervención de Urxencias Sanitarias de Galicia-061, dos Bombeiros de Ordes, do GES de Curtis, da Garda Civil de Tráfico e dos servizos de mantemento da estrada. Cando chegaron, os efectivos do GES comprobaron que non era necesario excarcerar e abriron a porta do turismo. Ao mesmo tempo, os profesionais sanitarios desprazáronse a bordo dunha ambulancia e confirmaron o falecemento da implicada.

Publicidade

Preme na imaxe se queres contactar connosco.

A Oficina de Prensa da Garda Civil da Coruña informa que o turismo viña de Santiago e o camión dirixíase ao polígono do Tambre. "O condutor do camión deu negativo nas probas de alcoholemia e drogas. E ela foi trasladada ao hospital Anatómico Forense de Conxo para practicarlle a autopsia".

Ademais, indica que "as causas pendientes do accidente están sendo investigadas polo Equipo 6 de Atestados do Sector de Galicia ante a posibilidade de que ambos vehículos invadiran carrís contrarios".