Unha persoa foi atropelada en Arzúa

Ecos da Comarca/Arzúa

Foto de arquivo.

Na localidade de Arzúa produciuse esta mañá un atropelo. O suceso ocorreu pasados uns minutos das 12:00 horas na N-547, na Avenida de Lugo, no casco urbano arzuán á altura do número 70 aproximadamente, tal e como indica o 112 Galicia.

Foi un particular o que deu aviso ao 112 para solicitar asistencia médica para a persoa que fora alcanzada por un turismo. "En principio parecía que estaba ferida, pero non estaba atrapada, pero si precisaba auxilio tras recibir o golpe", sinala o 112.

Preme na imaxe se quere contactar connosco.

O 112 Galicia pasou aviso aos Servizos Sanitarios, aos Bombeiros de Arzúa, á Garda Civil de Tráfico e tamén á Protección Civil.