Unha persoa ferida nun accidente entre un turismo e un camión en Silleda

Ecos da Comarca/Silleda

Este venres rexistrouse un accidente no municipio de Silleda. No mesmo víronse implicados dous vehículos e saldouse cunha persoa ferida.

Foto arquivo.

O sinistro produciuse sobre as 21:00 horas. Tal e como informa o 112 Galicia, que foi avisado por Urxencias Sanitarias, foi un accidente entre un turismo e un camión na N-525 á altura da parroquia silledense de Manduas.

Preme na imaxe se quere contactar connosco.

Ademais de Urxencias Sanitarias, desprazáronse ao lugar os Bombeiros de Deza, á Garda Civil de Tráfico, a Policía Local e o Servizo de Mantemento de Estradas.

Houbo unha persoa ferida. "Non estaba atrapada, pero si que os bombeiros tiveron que intervir para sacala", sinala o 112.