Unha persoa faleceu tras accidente nunha atracción de feira en Matamá, Vigo

Ecos da Comarca/Xeral

Unha persoa faleceu logo dun accidente nunha atracción de feira (no coñecido Saltamontes) en Matamá (Vigo). O suceso ocorreu na rúa de Manuel Cominges.

Tal e como informa o 112 Galicia estaban a piques de ser as 2:00 horas desta madrugada cando varias persoas comezaron a chamar ao 112 Galicia por un accidente nunha atracción de feira en Matamá. Segundo indicaron os alertadores, caera un vagón da atracción, deixando unha persoa ferida e posiblemente atrapada.

Publicidade

Preme na imaxe para obter máis información do evento.

Sen agardar, os xestores do 112 Galicia pasaron o aviso ao Servizo de Urxencias Sanitarias de Galicia-061, aos Bombeiros de Vigo, á Policía Nacional e á Local e á Agrupación de Voluntarios de Protección Civil de Vigo.

Publicidade

Preme na imaxe para contactar con nós.

Logo de chegar ata o punto, os servizo de emerxencia indicaron que a persoa estaba falecida. Os Bombeiros de Vigo tiveron que facer uso do material de excarceración para poder liberar o corpo da vítima.