Unha muller sofre lesións graves nunha perna tras un accidente cunha fresa en Lalín

Ecos da Comarca/Lalín

Unha muller sufriu lesións graves nunha perna tras un accidente cunha fresa en Lalín. A implicada traballaba con esta maquinaria nunha finca da súa propiedade, tal e como informa o 112 Galicia.

Publicidade

Preme na imaxe se queres contactar connosco.

Contra as 13:45 horas, un particular alertou de que a unha muller quedáralle atrapada unha perna na fresa que manexaba en Pareizo, pertencente á parroquia lalinense de Goiás.

De inmediato, os xestores do 112 Galicia pediron a intervención dos servizos sanitarios, dos Bombeiros de Silleda, do GES e da Policía Local de Lalín e dos axentes da Garda Civil.

Urxencias Sanitarias de Galicia-061 comunicou que mobilizaba o helicóptero medicalizado con base en Ourense, e os seus profesionais confirmaron desde o punto que a muller sufriu importantes lesións na perna.

Finalmente, a ferida foi evacuada na aeronave medicalizada ao Complexo Hospitalario Universitario de Santiago.