Unha muller resgárdase nun balcón para protexerse dun incendio

Ecos da Comarca/Xeral

Os Bombeiros de Vilagarcía rescatan dun balcón a unha muller que se protexía nun balcón dun incendio. Mediante unha escada, os efectivos do parque comarcal, rescataron a muller, que, finalmente, foi trasladada ao centro hospitalario de referencia.

Servizos de emerxencia no lugar. Cedida

Preto das catro desta madruga, o 112 Galiciar recibiu o aviso por un incendio nunha vivenda situada na Rúa San Roque, en Vilagarcía. O fume saía por unha xanela, o que chamou a atención de algún outro veciño, que tamén informou ao servizo de emerxencias.

 Publicidade

Preme para obter máis información.

Pola súa parte, os profesionais de Urxencias Sanitarias de Galicia-061 xa tiñan en marcha unha dotación para atender a veciña, que se gorecía no balcón.

Así, para ofrecerlle a asistencia médica sanitaria, foi necesario que fose rescatada polo equipo de Bombeiros de Vilagarcía, quen, mediante unha escada, a sacaron do balcón. Posteriormente, foi trasladada ao centro hospitalario de referencia.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

En canto aos danos provocados polo lume, que comezou nun panel eléctrico, redúcense a este mesmo contador e algún moble próximo. Iso si, a vivenda quedou chea de fume.