Unha muller evacuada en helicóptero logo de ser golpeada por un tractor na Estrada

Ecos da Comarca/Xeral

Unha muller, evacuada en helicóptero logo de ser golpeada por un tractor na Estrada. Tal e como informa o 112 Galicia o golpe causoulle importantes lesións nas costas, polo que foi trasladada na aeronave ao Complexo Hospitalario Universitario de Santiago (CHUS).

Segundo a información recollida no 112 Galicia, o accidente produciuse un pouco antes das dez desta mañá, cando a ferida estaba realizando labores de roza e cargando os restos no remolque do tractor.

Publicidade

Preme na imaxe para obter máis información do evento.

Para a atención da implicada, desde o 112, pediuse a colaboración dos profesionais de Urxencias Sanitarias de Galicia-061, así como dos membros do GES da Estrada e dos axentes da Policía Local e da Garda Civil.

Publicidade

Preme na imaxe se queres contactar connosco.

Pola súa parte, os sanitarios enviaron unha dotación a bordo do helicóptero con base en Santiago, que se encargou do seu traslado.