Unha incidencia na rede nacional de comunicacións afecta a servizos 1-1-2 de toda España

Ecos da Comarca/Xeral

Unha incidencia na rede nacional de comunicacións afecta a servizos 1-1-2 de toda España.  "No #112Galicia seguimos traballando: podes contactar con nós a través do número 1-1-2 en caso de emerxencia", sinala o 112 Galicia.

Pola súa banda, a Xunta informa de que no  112 Galicia e a Fundación Pública Urxencias Sanitarias de Galicia-061 continúase prestando servizo con normalidade, aínda que nalgúns casos foi necesario realizar chamadas de volta a persoas que presentaban dificultades para comunicarse debido aos problemas derivados de causas alleas ao servizo e provocados por unha actualización de Telefónica na súa rede de fibra intelixente (NGN).

A partir das 4:00 horas iniciouse esta actualización, o que causou problemas nas chamadas desde móbiles desta compañía aos centros 112 e de atención sanitaria de toda España que operan con dita rede. O 112 Galicia atópase en contacto permanente con Telefónica, que informa sobre a evolución desta incidencia.

Publicidade

Preme na imaxe para obter máis información do evento.

Publicidade

Preme na imaxe se queres contactar connosco.

Neste momento, como medida de continxencia, o 112 Galicia ten enrutadas as chamadas entrantes a través doutro operador podendo dar servizo a usuarios con practicamente normalidade.