Unha furgoneta incéndiase tras impactar contra unhas árbores en Artoño

Ecos da Comarca/Agolada

Esta tarde rexistrouse un accidente no municipio de Agolada. O suceso ocorreu na PO-840 á altura da parroquia de Artoño pasados uns minutos das oito.

A furgoneta afectada. Autor: Bombeiros de Deza

A furgoneta de reparto de pan saíuse da vía e acabou impactando contra unhas árbores, como puidemos comprobar dende este medio tras achegarnos ao lugar. Como consecuencia o vehículo comezou a arder.

Preme na imaxe se queres contactar connosco!

Ata o lugar desprazáronse a motobomba do Concello de Agolada, Protección Civil da localidade, os Bombeiros de Deza, unha ambulancia do 061 e a Garda Civil de Tráfico.

Tal e como informaron os bombeiros no propio lugar, o condutor e único ocupante saíu ileso, pero foi trasladado en ambulancia para facer as probas pertinentes.