Unha ferida leve nunha colisión entre dous vehículos en Agolada
Ecos da Comarca/Agolada
Esta tarde produciuse un accidente no municipio de Agolada. En concreto, tivo lugar na estrada que enlaza a parroquia de Esperante co lugar de Bidueiros (Ferreiroa), preto do tanatorio municipal.
O suceso ocorreu sobre ás oito da tarde e víronse implicados dous vehículos, tal e como informa o xefe de Protección Civil de Agolada, José Antonio Vázquez. Como consecuencia, unha muller resultou ferida leve e foi trasladada, tal e como indica Vázquez, nunha ambulancia do 061 ata o Punto de Atención Continuada (PAC) de Lalín.
Ademais de Protección Civil de Agolada e de Urxencias Sanitarias, ata o lugar tamén se desprazaron axentes da Garda Civil de Tráfico.
Comentarios