Esta mostra poderá visitarse ata este sábado, 25 de xuño
Ecos da Comarca/Melide
O colectivo de Fotografía Sentempo expón unha selección das súas obras baixo o suxestivo tema "Cando ninguén me ve", que dá título á mostra. Pode visitarse no Kodex na Praza das Coles de Melide, dende o pasado día 10 ata este sábado, 25 de xuño.
A amizade dos integrantes de Sentempo consolidouse ao abeiro do profesor Jose Veses, quen impartiu ao longo deste curso un obradoiro de fotografía no marco das actividades das Escolas Culturais organizadas polo Concello de Melide. A paixón polas imaxes e a ilusión dos seus participantes impúlsaos a compartiren os resultados con todas aquelas persoas que gocen con esta arte, invitando a un diálogo as amigas e amigos que visiten a exposición.
Comments