Unha excursión a Monterrei clausura o programa 'Coñece o teu país 2024' do Concello de Arzúa

É gratuíta e o prazo de inscrición comeza hoxe, venres

Ecos da Comarca/Arzúa

O Departamento de Cultura do Concello de Arzúa organiza para o vindeiro sábado día 28 de setembro a cuarta e última excursión do programa Coñece o teu país para este ano.

Así, de maneira totalmente gratuíta, o Concello ofertou un total de catrocentas corenta prazas e organizou saídas aos municipios de Ares, Mugardos, O Saviñao e Pontevedra rexistrando en todas elas un grande éxito.

Fonte: Concello de Monterrei

Como de costume, no mes de setembro, a provincia ourensá é o destino dun cento de arzuáns e arzuás que este ano coñecerán máis de preto os municipios de Monterrei e Verín. En concreto visitaranse o castelo de Monterrei, o manantial de Cabreiroá e haberá tempo para xantar na vila de Verín.

Publicidade

Preme na imaxe para obter máis información.

As inscricións comezarán hoxe, venres día 20 de setembro, e segundo indicacións do Departamento de Cultura, cada persoa interesada poderá anotar como máximo a un acompañante por cada solicitante.

Publicidade

Preme na imaxe se queres contactar connosco.

As prazas dispoñibles iranse cubrindo por orde de inscrición. Todas aquelas persoas que desexen apuntarse poden facelo de maneira totalmente gratuíta no Departamento de Cultura do Concello de Arzúa entre as 8:30 e as 14:30 horas.