Unha colisión en cadea obriga a cortar un tramo da A-54 en Santiago

Ecos da Comarca/Xeral

Axega informa dunha colisión en cadea na A-54, nun tramo pertencente a Santiago de Compostela. O 112 Galicia foi alertado ás 8:33 horas deste venres.

Captura vídeo da DXT escasos minutos das 9:00 horas.

Nove vehículos (sete coches, unha furgoneta e un camión) resultaron danados e a circulación estivo interrompida nos carrís en sentido Lugo, tal e como informa o 112 Galicia. Ás 8:30 horas desta mañá, o 112 Galicia atendeu distintos avisos sobre un accidente na A-54, en Santiago, ao paso pola parroquia de Sabugueira, no punto quilométrico 85. Houbo retencións de ata 4 quilómetros, tal e como indica a Garda Civil.

Todas as comunicacións apuntaban a unha colisión en cadea con varios vehículos implicados sen que ningún dos alertadores puidese, naquel momento, concretar o número. Tampouco podían precisar se había feridos, pero, por precuación, os xestores do Centro Integrado de Atención ás Emerxencias solicitaron a intervención dos recursos de Urxencias Sanitarias de Galicia-061.

 PUBLICIDADE

Preme na imaxe para obter máis información do evento.

Aínda que nun primeiro momento se falou de cinco persoas que tiveran que ser evacuadas ao Hospital da Rosaleda, finalmente, o 112, indicou quef foran tres, e nove vehículos sufriron danos a causa desta colisión en cadea cuxa orixe un dos alertadores situou nos efectos do sol na conducción.

Ademais dos sanitarios, o 112 Galicia avisou aos axentes da Garda Civil de Tráfico e da Policía Local. 

 PUBLICIDADE

Preme na imaxe para contactar connosco.

Inicialmente, comunicouse o suceso aos Bombeiros de Santiago, pero ninguén necesitou ser rescatado.