Un vehículo sofre unha saída de vía en Agolada e impacta contra unha farola

O suceso tivo lugar na PO-840 e saldouse sen feridos

Ecos da Comarca/Agolada

Unha das saídas do casco urbano de Agolada rexistrou este sábado pola noite un accidente. O suceso ocorreu ao redor das 22:00 horas na PO-840 (na estrada dirección Melide).

O vehículo saíuse da vía e acabou empotrándose contra unha farola que debido ao impacto caeu ao chan. Ao lugar, desprazáronse efectivos de Protección Civil de Agolada. Por sorte, só houbo que lamentar danos materiais.