Un veciño de Touro evacuado en helicóptero ao C.H.U.S

IsmaelRS/Touro

Helicóptero 061. Fonte: SERGAS

Unha persoa foi evacuada no helicóptero medicalizado que os servizos sanitarios derivaron ata a Pousada, en San Pedro de Ribeira, no municipio de Touro.

Tratouse dun accidente cunha máquina agrícola nunha casa particular. Ás once e media de hoxe, os servizos sanitarios comunicaban a saída da aeronave con base en Santiago para evacuar a unha persoa ferida tras accidentarse coa máquina que manexaba.

Con estes datos, os xestores do 112 Galicia puxeron os feitos en coñecemento dos Bombeiros de Arzúa, da Garda Civil e dos voluntarios de Protección Civil.

Polo momento son todos os datos cos que contamos.