Un veciño de Silleda cae co seu coche pola ponte vella da parroquia de Taboada

Saíu polo seu propio pé e non presentaba feridas de gravidade

Ecos da Comarca/Silleda

Este xoves, sobre as 13:30 horas, rexistrouse un accidente en Silleda. En concreto, un mozo do municipio precipitouse ao río co seu vehículo dende o ponte vella de Taboada.

A pesar da altura dende a que se produciu o sinistro, o condutor e único ocupante saíu polo seu propio pé e as súas feridas non revestían gravidade. Onte pola noite o coche continuaba no río, pasando desapercibido entre a gran maleza que hai no lugar.

No medio entre a maleza está o coche cor negro.