Un veciño de Melide de 93 anos investigado por supostos delitos de condución temeraria

Ecos da Comarca/Melide

A Garda Civil investiga polos supostos delitos de condución temeraria e lesións e por imprudencia grave a un veciño de Melide (A Coruña), un home de 93 anos que circularía durante 30 quilómetros en sentido contrario pola Autovía do Cantábrico (A-8) ata que o seu vehículo terminou chocando con outro.

Foto de arquivo.

Segundo a información facilitada este luns pola Comandancia de Lugo, os feitos sucederon o pasado 5 de febreiro, sobre as 20:00 horas, cando varios condutores informaron de que un vehículo ía circulando en sentido contrario á altura do quilómetro 564 da autovía A-8, dado que ía en sentido Baamonde, pero pola calzada reservada para ir en dirección Asturias.

Publicidade    

Preme na imaxe se queres contactar connosco.

Tras o aviso de varias persoas, o Subsector de Tráfico da Garda Civil de Lugo enviou a varias patrullas. Tras ser localizado, aínda que inicialmente reduciu a velocidade grazas á intervención das patrullas, fixo caso omiso aos sinais de detención e continuou a marcha ata que acabou chocando cun vehículo articulado.

A persoa investigada e as dilixencias policiais foron postas ao dispor do Xulgado de Vilalba (Lugo).