Un total de 60 candidaturas preséntanse nas comarcas de Arzúa, Deza, Terra de Melide e A Ulloa

Destas só 15 están lideradas por mulleres

Laura Moure/Xeral

Queda unha semana para as eleccións municipais. Ese día os veciños e veciñas decidirán co seu voto quen ocupará as Alcaldías durante os vindeiros catro anos. Todos os partidos apuran estes últimos días de campaña para presentar os seus variados programas e intentar convencer á xente de que eles son a mellor opción. Nas comarcas de Arzúa, Deza, Terra de Melide e A Ulloa, que suman 17 concellos, preséntase un total de 60 candidaturas de partidos dispares. E destas só 15 formacións están lideradas por mulleres.

Se falamos por número de listas en concellos onde menos se presentan son en Antas de Ulla e Sobrado dos Monxes, con dúas opcións respectivamente. Mentres na maioría, en concreto en oito municipios, son tres. Falamos de Boimorto, Dozón, O Pino, Palas de Rei, Rodeiro, Santiso, Silleda e Toques. No caso de Arzúa, Lalín e Melide son catro os partidos que optan a gobernar. E onde máis buscan por facerse co poder, cun total de cinco listas respectivamente, é en Agolada, Monterroso, Touro e Vila de Cruces.

Agora se nos centramos nas candidaturas lideradas por mulleres nas comarcas hai unha quincena. Destaca o Concello de Agolada no que se presentan cinco candidaturas e dúas están lideradas por féminas. Elas son María del Carmen Seijas (PP) e Susana Tato (BNG). No concello de Boimorto son tres os partidos que buscan facerse co poder e destes, dous están liderados por María Jesús Novo (PP) e Sandra Sánchez (PSOE). Cabe mencionar que Novo é a actual alcaldesa deste municipio.

No resto de concellos só hai unha candidatura na que está á fronte unha muller: Pilar García (PSOE) en Antas de Ulla; Begoña Balado (PSOE) en Arzúa; Alba Forno (PSOE) en Lalín; Dalia García (PP) en Melide; Rocío Seijas (Independientes por Monterroso) que é a actual mandataria deste concello; Ana Corredoira (PSOE) en Palas de Rei; Cati Somoza (PP) en Rodeiro; Pilar Sesto (PSOE) en Santiso; Erea Rey (BNG) en Silleda; Gemma V. López (PSOE) en Touro e María Manteiga (PSOE) en Vila de Cruces

Preme na imaxe se queres obter máis información deste evento.

Mentres en Dozón, O Pino, Sobrado e Toques só optan nestes comicios á Alcaldía homes.

As 60 listas poden consultarse nos seguintes enlaces:

COMARCA DE ARZÚA

• Arzúa: https://www.ecosdacomarca.com/post/catro-candidaturas-optan-a-ganar-a-alcald%C3%ADa-de-arz%C3%BAa

• Boimorto: https://www.ecosdacomarca.com/post/tres-candidaturas-buscan-facerse-coa-%C3%A1-alcald%C3%ADa-de-boimorto

• O Pino: https://www.ecosdacomarca.com/post/tres-candidaturas-optan-%C3%A1-alcald%C3%ADa-do-pino

• Touro: https://www.ecosdacomarca.com/post/cinco-candidaturas-optan-%C3%A1-alcald%C3%ADa-de-touro

COMARCA DE DEZA:

• Agolada: https://www.ecosdacomarca.com/post/cinco-candidaturas-loitar%C3%A1n-para-facerse-coa-alcald%C3%ADa-de-agolada

• Dozón: https://www.ecosdacomarca.com/post/tres-candidaturas-aspiran-%C3%A1-alcald%C3%ADa-de-doz%C3%B3n

• Lalín: https://www.ecosdacomarca.com/post/catro-candidaturas-buscan-facerse-coa-alcald%C3%ADa-de-lal%C3%ADn

• Rodeiro: https://www.ecosdacomarca.com/post/tres-candidaturas-aspiran-%C3%A1-alcald%C3%ADa-de-rodeiro

• Silleda: https://www.ecosdacomarca.com/post/tres-candidaturas-aspiran-%C3%A1-alcald%C3%ADa-de-silleda

• Vila de Cruces: https://www.ecosdacomarca.com/post/cinco-candidaturas-buscan-facerse-coa-alcald%C3%ADa-de-vila-de-cruces

COMARCA TERRA DE MELIDE:

• Melide: https://www.ecosdacomarca.com/post/catro-candidaturas-loitar%C3%A1n-por-facerse-coa-alcald%C3%ADa-de-melide

• Santiso: https://www.ecosdacomarca.com/post/tres-candidaturas-buscan-facerse-coa-alcald%C3%ADa-de-santiso

• Sobrado dos Monxes: https://www.ecosdacomarca.com/post/d%C3%BAas-candidaturas-aspiran-%C3%A1-alcald%C3%ADa-de-sobrado-dos-monxes

• Toques: https://www.ecosdacomarca.com/post/tres-candidaturas-aspiran-%C3%A1-alcald%C3%ADa-de-toques

COMARCA DA ULLOA:

• Antas de Ulla: https://www.ecosdacomarca.com/post/d%C3%BAas-candidaturas-buscan-facerse-coa-alcald%C3%ADa-de-antas-de-ulla

• Monterroso: https://www.ecosdacomarca.com/post/cinco-candidaturas-optan-%C3%A1-alcald%C3%ADa-de-monterroso

• Palas de Rei: https://www.ecosdacomarca.com/post/tres-candidaturas-optan-%C3%A1-alcald%C3%ADa-de-palas-de-rei