Un total de 33 persoas entrará no sorteo dunha viaxe ás Illas Canarias do certame Vai de Parroquias

Este xoves realizarase o sorteo público

Laura Moure/Silleda

Un total de 33 persoas optan ao gran premio do certame Vai de Parroquias, convocado polo Concello de Silleda durante este Nadal ca dinamización do rural como protagonista. Baixo o lema “Vai de parroquias”, propúxose de novo ao público participante visitar as 33 localidades que conforman o municipio silledense, acreditando mediante fotografías cas árbores de Nadal o seu paso polas mesmas.

Publicidade

Preme na imaxe para obter máis información!

Todas as persoas que participaron entrarán no sorteo dunha viaxe ás Illas Canarias para 2 persoas, a celebrar no primeiro trimestre de 2024. Dito sorteo público terá lugar este xoves día 11 ás 20:30 horas no Salón de Actos da Casa Consistorial, sendo ademais retransmitido polas Redes Sociais do Concello.

Publicidade

Preme na imaxe para obter máis información.

Cada persoa participante ten asignado un número (seguindo a orde de inscrición no concurso), tal e como se establece nas bases.

Publicidade

Preme na imaxe se quere contactar connosco.

Este certame, no marco da programación de Nadal, busca dinamizar as localidades rurais do municipio, fomentando a participación activa da veciñanza e poñendo en valor as 33 parroquias que compoñen o termo municipal fomentando tamén o coñecemento das mesmas.