Un total de 30 patrullas do exército súmase aos efectivos antiincendios da Xunta

A súa labor será reforzar a vixilancia, a disuasión e a identificación dos potencias axentes do lume

Laura Moure/Xeral

Un total de 30 patrullas do Exército e dous equipos de mantemento móbil súmanse aos efectivos antiincendios da Xunta para reforzar a vixilancia, a disuasión e a identificación dos potenciais axentes dos lumes forestais. Así o destacou o conselleiro do Medio Rural, José González que, acompañado por Manuel Rodríguez, director xeral de Defensa do Monte, e o presidente da Deputación de Pontevedra, Luis López, presidiu este venres a presentación das tropas da Operación Centinela Gallego, no marco dun convenio entre o Goberno galego e o Ministerio de Defensa.

Incendio no Leboreiro, Melide, o pasado mes de maio. Autor: Ecos da Comarca.

No acto, o conselleiro destacou que 30 patrullas terrestres e dous equipos de mantemento

móbil se despregarán nos montes galegos no marco deste operativo, que se renova un ano máis. O obxectivo é que a presenza de medios militares contribúa a atallar lumes e

actividades incendiarias, ao supor un aumento do número de efectivos sobre o territorio, co

consecuente reforzo da vixilancia e da disuasión.

Publicidade

Preme na imaxe para obter máis información do evento.

Nesa liña, o titular do Medio Rural lembrou que os efectivos das Forzas Armadas se

incorporan ao operativo co obxectivo de mellorar a seguridade das persoas e dos bens e,

en xeral, a protección e defensa da riqueza forestal da nosa comunidade fronte a ameaza

dos lumes. Dentro deses efectivos, contamos coa Unidade de Investigación de Incendios

Forestais (UIFO), creada no ano 2021, que traballa para esclarecer as circunstancias dos

lumes.

No eido tecnolóxico, o dispositivo conta con drons despregados polo territorio e cámaras

de última xeración na rede de vixilancia fixa, provistas dunha tecnoloxía especialmente

deseñada para exteriores e vixilancia forestal que é capaz mesmo de identificar matrículas

de vehículos nas pistas.

Preme na imaxe se queres contactar connosco.

Ademais de agradecer o labor de todos os efectivos contra o lume que operan baixo o

mando único da Xunta, José González aproveitou para volver apelar á prudencia e á colaboración cidadá. Nesa dirección, lembrou que está a disposición da cidadanía o

número de teléfono gratuíto 085, ao que se debe chamar en caso de detectar algún lume

forestal. Así mesmo, está dispoñible o teléfono anónimo e gratuíto 900 815 085, para

denunciar calquera actividade incendiaria delituosa da que se teña sospeita ou coñecemento.