Un terremoto de magnitude 3,7 con epicentro en Sarria nótase en varios puntos das comarcas

Ecos da Comarca/Xeral

Esta venres rexistrouse ás 16:39 horas un terremoto de magnitude 3,7 que segundo o Instituto Geográfico Nacional (IGE) tivo o epicentro en Sarria (Lugo). Deixouse notar en distintos puntos da comunidade galega e entre eles figuran lugares das comarcas como por exemplo, en Agolada e Santiso.

O112 Galicia rexistrou chamadas de particulares tanto de Lugo como de Vilalba, Becerreá ou Sarria, os cales informaban de que o terremoto durara preto duns 3-4 segundos. Por fortuna, ningún dos alertadores indicou que se producisen danos, tanto materiais como persoais.

Publicidade

Preme na imaxe para obter máis información!

Fonte: Instituto Geográfico Nacional.

"Á miña filla movéuselle a mesita e a porta da habitación retemblou, mentres que eu estaba no comedor e non o percibín", sinala unha veciña da parroquia agoladesa de Eidián.

Publicidade

Preme na imaxe se queres contactar connosco.

"Aquí menudo templor!", sinala unha melidense que se atopaba nese momento na parroquia de Belmil, no concello de Santiso.

E ti notáchelo? Onde?