Ademais, houbo caídas de pólas e producíronse inundacións en locais
Laura Moure/Antas de Ulla
Esta mañá un raio rebentou a estrada que vai de Lebesende a Río, en Antas de Ulla, tal e como informou o alcalde do municipio, Javier Varela, que pide que se extremen as precaucións.
Sinala que a fochanca ten 40 centímetros de ancho e "unha profundidade dabondo para derramar calquera coche", apunta o mandatario. Ademais, houbo caídas de pólas e producíronse inundacións en locais. "Que afortunadamente, gracias a colaboración dos veciños, xa están arranxados".
Alerta amarela
Cabe mencionar que a Axencia Estatal de Meteoroloxía alerta dun fenómeno meteorolóxico adverso de nivel amarelo por tormentas e choiva, que se iniciou ás 14:00 horas deste sábado e finalizará ás 00:00 horas e que afectará a toda a provincia da Coruña e ás Rías Baixas.
Comments