Un peregrino sufre unha caída da súa bicicleta ao seu paso por Melide

Ecos da Comarca/Melide

Este venres un peregrino sufriu unha caída ao seu paso polo concello de Melide. O 112 Galicia foi alertado polo propio afectado ás 16:04 horas.

Foto de arquivo.

O home caeu da súa bicicleta na N-547 á altura do quilómetro 52 no Barreiro dirección Santiago de Compostela. "Na chamada indicábanos que era peregrino, que acaba de caer da súa bicicleta e que pensaba que podía ter a clavícula rota", informa o 112 Galicia.

Preme na imaxe se queres contactar connosco!

Ata o lugar desprazáronse Urxencias Sanitairas, a Garda Civil de Tráfico, Protección Civil de Melide e tamén se deu aviso aos Bombeiros de Arzúa.

O peregrino foi trasladado en ambulancia.