Un operario falece en Carballo tras sufrir unha caída

Ecos da Comarca/Xeral

Un traballador perdeu a vida esta tarde como consecuencia dun accidente laboral na Rúa Titanio, na parroquia de Bértoa, en Carballo.

Publicidade

Preme na imaxe para obter máis información!

A información chegou aos xestores do 112 Galicia mediante o aviso do Servizo de Urxencias Sanitarias de Galicia-061 ás 18:15 horas. Nesta comunicación indicaban que un traballador caera dunha certa altura neste punto e que se estaba mobilizando a aeronave medicalizada con base en Santiago de Compostela ata o lugar.

Publicidade

Preme na imaxe para obter máis información.

A maiores, desde o 112 Galicia tamén se informou do sucedido aos axentes da Policía Local e da Garda Civil e aos efectivos de Protección Civil de Carballo.

Publicidade

Preme na imaxe para obter máis información do evento.

Finalmente, o persoal sanitario confirmou que malia os esforzos, non se puido facer nada por salvar a vida do traballador.