top of page

Un mural de Lidia Cao lucirá en Arzúa para conmemorar o 8M, Día Internacional das Mulleres

Foto del escritor: ecosdacomarcaecosdacomarca

A artista galega, de recoñecida traxectoria, iniciou hoxe os traballos desta intervención artística que estará ubicada nos baixos do Multiusos “Terra do Queixo”


Ecos da Comarca/Arzúa

A muralista e ilustradora Lidia Cao iniciou este luns o seu traballo de elaboración dun mural que estará ubicado no baixo do edificio Multiusos “Terra do Queixo”. Trátase dunha intervención artística organizada pola Concellería de Igualdade e o Centro de Información ás Mulleres con motivo dos actos de conmemoración do 8 de marzo, Día internacional das mulleres traballadoras.


Publicidade

Preme na imaxe para obter máis información!

A muralista Lidia Cao, natural de Ordes, conta cunha recoñecida traxectoria na arte urbana, que a levou a percorrer o mundo, desde Guinea a Hong Kong, chegando a estar nomeada ao mellor mural do ano de Street Art Cities, unha plataforma que mostra o mellor da arte urbana a nivel mundial. “É un luxo contar con Lidia Cao nesta intervención artística en Arzúa, coa que queremos pór en valor o papel das mulleres na sociedade nun 8 de marzo que ten que ser de reivindicación dos avances conseguidos polo feminismo na defensa da igualdade entre homes e mulleres, e da necesidade de non dar nin un paso atrás e seguir a avanzar na conquista dunha igualdade plena,” sinala a concelleira de Igualdade no Concello de Arzúa, Lucía López Sobrado.


Publicidade

Preme na imaxe se queres contactar connosco.

O mural inaugurarase o vindeiro venres, día 8 de marzo, ás 17 horas e desde a Concellaría de igualdade convidan a toda a veciñanza a participar deste acto e de toda a programación, que continuará o sábado 9 de marzo, pola tarde, coa inauguración da Casa das Mulleres. 




0 comentarios

Entradas recientes

Ver todo

ILUMINADOS

Comentários


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page