Ecos da Comarca/Arzúa

Este mediodía iniciouse un lume forestal no municipio de Arzúa. Concretamente, no lugar de Orxal, na parroquia de San Martiño de Calvos de Sobrecamiño.

Sobre ás 13:30 horas ECOS DA COMARCA atopábase no lugar. Xa dende lonxe víase unha gran fumareda e os veciños empezaron a sacar cos tractores alimento que tiñan para o gando, como bolos de silo, que estaban preto do foco. Tamén outros colleron tractor e cisterna para intentar apagar canto antes o lume.
Segundo os datos proporcionados pola Consellería de Medio Rural comezou sobre as 13 horas e deuse por extinguido ás 16:22 horas. Tras a última medición, a superficie afectada foi de 0,27 hectáreas. No lugar traballaron 1 axente, 3 brigadas e 3 motobombas.
Vídeo do incendio. Autor: Ecos da Comarca.
Comments