Un incendio deixa danos materiais nunha casa de madeira en Guntín

Ecos da Comarca/Xeral

Foto Arquivo

Un incendio declarado nunha casa de madeira localizada na parroquia de San Mamede de Lousada, no concello lucense de Guntín, provocou diversos danos no inmoble.

Segundo a información facilitada polo particular que chamou ao 112 Galicia poucos minutos antes das cinco horas da tarde de hoxe, un curtocircuíto puido ser o factor que desencadeou as lapas. Durante a súa comunicación coa central de emerxencias, indicaba que o propietario da vivenda estaba fóra da mesma no momento dos feitos.

Publicidade

Preme na imaxe se queres obter máis información do evento.

Nada máis ter constancia do suceso, os xestores do Centro Integrado de Atención ás Emerxencias de Galicia solicitaron a intervención dos Bombeiros de Chantada e dos membros do GES Friol-Palas.

Arestora, os equipos de extinción seguen traballando no lugar e confirman ao 112 que o incendio está controlado.

Publicidade

Preme na imaxe se queres contactar connosco.

Cómpre sinalar que non hai outras vivendas lindeiras á casa incendiada. Co fin de coñecer as causas do suceso, ao lugar tamén acudiron axentes da Garda Civil.