Un incendio calcinou a cociña dunha vivenda e deixa tres persoas trasladadas por inhalación de fume en Santiago

Ecos da Comarca/Xeral

Un incendio calcinou a cociña dunha vivenda e deixa tres persoas trasladadas por inhalación de fume en Santiago, tal e como informa o 112 Galicia. Todas foron evacuadas ao Complexo Hospitalario Universitario de Santiago.

Pasadas as 15 horas, os bombeiros composteláns contactaron co 112 Galicia e sinalaron que os alertaran dunha cociña ardendo na rúa dos Salgueiriños de Arriba.

Publicidade

Preme na imaxe para obter máis información do evento.

De inmediato, os xestores do CIAE-112 Galicia informaron a Urxencias Sanitarias de Galicia-061 e aos axentes da Policía Nacional e Local.

Publicidade    

Preme na imaxe se queres contactar connosco.

Os Bombeiros controlaron rapidamente o lume, que comezou na campá extractora e calcinou a cociña por completo. Previamente, os ocupantes da  vivenda trataran de apagalo cun extintor e tiveron que ser trasladados por inhalación de fume.