Un incendio afectou a unha explotación gandeira no concello de Arzúa

Ecos da Comarca/Arzúa

Onte, martes, pola tarde declarouse un incendio no interior dunha explotación gandeira situada en Sedor, na parroquia da Castañeda, no concello de Arzúa.

O lugar ao que sacaban os rolos do interior da explotación para apagalos. Autor: Ecos da Comarca.

Foron varios os particulares que alertaron ao 112 Galicia arredor das 19:00 horas, ao ver saír fume dunha nave agrícola. Segundo a información facilitada, no interior estaban a arder rolos de herba seca.

Publicidade

Preme na imaxe para obter máis información.

Desde o 112 Galicia informouse do ocorrido aos Bombeiros de Arzúa, á Garda Civil e a Protección Civil. Unha vez no punto, os bombeiros confirmaron o colapso do tellado da nave e solicitaron apoio adicional, polo que tamén foron informados os Bombeiros de Ordes.

Publicidade

Preme na imaxe se queres contactar connosco.

Nas últimas hora traballaron os equipos de extinción e veciños de distintos lugares que se desprazaron con tractores, cisternas e pás para axudar a retirar a herba do interior e poder apagala no exterior.

https://facebook.com/61570154224185/videos/1290484249121814