Laura Moure/Silleda
Un home precisou asistencia esta tarde ao resultar ferido de consideración despois de caer desde unha altura duns tres metros no lugar de Ansemil, en Silleda.
O 112 Galicia tivo coñecemento dos feitos ao fío das seis, a través dos profesionais de Urxencias Sanitarias de Galicia-061, que, debido á gravidade das feridas que sufriu o home, mobilizaron o helicóptero medicalizado con base en Santiago para atendelo. Ademais, o persoal do Centro Integrado de Atención ás Emerxencias (CIAE) 112 Galicia solicitou a intervención dos axentes da Policía Local para prestar apoio ao equipo médico desprazado na aeronave.
Un helicóptero do 061.
Autor: Sergas
Comentários