Un home resulta ferido ao quedar atrapado debaixo do tractor que manexaba en Lalín

O accidente tivo lugar nunha leira situada no lugar de Palmaz

Ecos da Comarca/Deza

Un home precisou asistencia esta tarde ao quedar atrapado baixo o tractor que manexaba nunha leira situada no lugar de Palmaz, en Lalín.

O 112 Galicia recibiu a alerta do accidente a través dunha persoa particular ao fío das catro e, decontado, os xestores do CIAE 112 Galicia solicitaron a intervención de Urxencias Sanitarias de Galicia-061 e dos Bombeiros do Deza, que liberaron ao home atrapado e, posteriormente, trasladárono a un centro médico nunha ambulancia.

Unha ambulancia. Fonte: Ecos da Comarca

Cómpre salientar que neste operativo interviñeron, tras ser alertados polo 112 Galicia, os axentes da Policía Local e da Garda Civil.